نصائح القيادة الامنة للمبتدئين - لو اول مرة تسوق

اليك عزيزي السائق بعض النصائح الهامة اذا كنت تواجه القيادة للمرة الاولي:

1- مبدئيا ﻻ تنشغل بغير طريقك واعلم انك ﻻ تقود سيارتك فقط انت تقود 5 سيارات ( سيارتك- يمينك -شمالك -امامك ،خلفك)

ركز على تجنب أخطاء الأخرين وما تركزش فى إنك أما تتخبط تقول أنا اللى صح هاتفيد بإيه 

2- ماتمشيش ورا واحدة ست لسه بتتعلم او حسيت انها خايفه علشان ماتربكهاش زياده و ماتمشيش ورا راجل عجوز سيبه يسوق بقدرته وعلى اد اعصابه وبلاش ورا تاكسي فاضي او اتوبيس او مينى باص او مايكروباص لانهم بيقفوا كتير وفى اى مكان ووقت

فعلا موضوع التوقع مهم جدا ... خصوصا لو فيه عربيات خارجة من تقاطع وانت موش شايفه ومرة واحدة تلاقيه نزل فى وسط الشارع والنتيجة لو انت خايف هاتحدف على اللى جنبك بشكل تلاقائى خصوصا انك مبتدأ
اهو طول ما الواحد بيمشى بيشوف كل يوم الجديد

3- اوعى تركب عربيه زيررو او غاليه ودا ﻻسباب كتير اهمها انك تقدر تفهم ولو شويه فى الميكانيكا وتقدر تصرف عليها و يكون صاجها محمل عن العربيات الجديده وربنا يستر طريق كل الناس يارب

لو هتتعلم على عربيه زيرو ياريت تكون ماشيه اول 1000 كم و متامن عليها تامين شامل علشان لاقدر الله حصلها حاجه تقدر تصلحها فى التوكيل و تبع التامين

4- فى الطريق الطوالى أو السريع سوق عربية اللى قدامك يعنى تبص لمسافة أزيد من العربية اللى قدامك .
ده كلام معلمين
هو ده الكلام ... وهى دى الخبرة الجامدة قوى
بالتدريب يقدر الواحد يتوقع حاجات كثيير فى الطريق السريع ... نصيحة غالية قوى


5- لازم تحفظ العربيات اللى حواليك من الأربع إتجاهات وطريقة سواقتهم عشان تتوقع أى خطأ منهم ولازم تتدرب على إستخدام المرايات الثلاثة فى نفس الوقت .

ده موضوع صعب قوى للمبتدأ
خصوصا العربيات الموجودة عند الباب الخلفى
فى المنطقة العمياء للمراية
يعنى لو الواحد نسى نفسه شوية ... تحصل مشاكل كثيير قوى
بالنسبة لى
لو هاغير مسارى الى اليمين
بحاول انظر فوق كتفى اليمين بسرعة واشوف فيه حد ولا لأ
او
اقترب من المراية اللى فى الوسط
وانظر فيه حد فى اليمين ولا لأ
طبعا ده يعتبر اخطر موضوع ... موضوع المرايات

بحاول اعطى اشارة حتى ولو كنت هاغير مسار السيارة من حارة الى حارة اخرى
وكمان ادخل على الحارة الاخرى تدريجى وبراحة قوى وليس بشكل مفاجىء
اما لو كنت شايف ومتأكد ان الناحية اللى عايز انتقل فيها خالية تماما
بحاول ادخل فيها بسرعة قبل ما يظهر حد من خلفى

6 - لازم تتوخي الحزر وانتا طالع من اتوبيس او عربيه وقفت بتعدي حد او تريلا علشان ساعات بيقفو يعدو ناس وانتا جاي بسرعتك بتلاقي الي بيعدي قدامك مبتلحقش تفرمل فلازم وانتا بتعدي تمشي براحه و دايما عود نفسك انك تتجاوز من شمال اللى قدامك اوعى ابدا تتجاوز من يمينه

ممكن تستخدم مرايه كبيره فى الأول بس اما تتمكن من السواقة الأفضل تستعمل المرايات الثلاثة

7- على فكرة المنطقة العامية بتبقى على شمال العربية مش يمينها حتى لو باصص فى المراية الشمال مش هاتجيبها وديه بتبقى العربية اللى وراك وشها يا دوبك جنب الإكصدام الخلفى بتاعك وعشان كده ما انصحكش فى الأول إنك تنتقل بسرعة من حاره لحاره (غرز مقفوله) إلا أما تتمكن قوى ويبقى قلبك جامد وكمان بتعتمد على قوة العربية اللى معاك .


8- خللى بالك دايماً من العربيات القديمة اللى قدامك على اليمين ركز عنده مرايا شمال ولا لأ عشان لو لأ هاكيد هايغلط ويزنقك لو حاولت تعدى من الشمال .


9-  أما الطريق يقف فجأة حضر نفسك قبلها ب 150 متر ودوس مفتاح إنتظار وقبل ما توقف ب 60 متر مثلاً بص فى المراية وتبطأ قبلها ب 30 متر وتبص فى المراية لحد اما تتأكد إن اللى وراك هدى خلاص عشان الخطر جاى من وراك ممكن أى حد يخبطك ويبقى قى مساحة تتفاداه بمناورة .

يعنى لو الواحد مثلا ماشى فى طريق سريع ... وشايف ان الطريق هايبدأ يتوقف فعلا
الواحد يضغط انتظار
ويبدأ يقف بالعربية تدريجى


ما فيش اكتر من إتى أقولك إن الخطر جاى من وراك ممكن أى حد يخبطك ولازم تثبت اللى وراك وتتأكد إنه بدء يوقف ويبقى قى مساحة تتفاداه بمناورة بالإنتقال إلى حارة أخرى أو زيادة السرعة مع فرملة قويه لو شايف إنه ماهداش وفى مساحة قدامك .



10- فى التقاطعات سواء يمين أو شمال ما تركزش على العربية اللى قدامك بس شوف اللى سايقها باصص فين يعنى واخد باله وإلا لأ .

طيب وبعد ما اشوف هو باصص فين
هاعمل ايه تانى ؟

أنا قصدى فى الشوراع الداخلية ، يا تتحرك إنت يا تسيبة يعدى وبعدين تعدى إنت .

 اتعلم تعرف تركن كويس و ظبط اشاراتك قبل الملف اللي عايز تدخل فيه و هدي قبل الملفات و المطبات 

سوق كتير علي قد ما تقدر لان المواقف هيه اللي هتعلمك.

لما تطلع طريق مفتوح زي الدائري مثلا خليك ماشي جنب الرصيف بالظبط علشان تتجنب انك ترمي علي حد او حد يرمي عليك علشان رميت الدائري بحادثة و ربنا يسترها علينا و عليك

اعمل حسابك ان شوارع مصر مكسرة والناس انانيه ومفيش حد سايق بيفكر الا ف نفسه وعربيته حتى لو هيتسبب فى أذاك المهم انه عدى وتولع انت .. مافيش قانون بس دايما خلى بطاقتك ورخصتك ورخصة العربيه معاك عشان الأمين لما يصطادك مايغلسش عليك و يدخلك فى دايرة التذلل و تكون بتتكلم بثقه

عود نفسك ماتقفش لحد ولا تركب حد غريب معاك ولو هتقف على جنب اقفل الزجاج كله سيب جزء مايدخلش ايد من بره و اقفل السنتر عليك و ماتخرجش مم العربيه وهى دايره حتى لو فيها ناسك و خصوصا فى زمن انعدام الامان

خد بالك لو مانيوال ايدك متسبقش رجلك فى النقلات

عود نفسك تربط الحزام
مافيش سواقه غير و انت رابط الحزام

خليك سايق جوا منطقتك لحد ما تتمكن من عربيتك بعد كده ابقي اطلع على الطريق

خليك دايما متاكد ان السواقه ذوق وفن و اخلاق وتقدير فعلى الاقل ابتدى بنفسك انك ماتكنش زى اغلب السواقين حواليك

نصائح للقيادة الامنة

لمزيد من النصائح الهامة ستجدونها علي اللينك التالي:

http://efham-3rabetak.blogspot.com.eg/2016/06/blog-post_1.html