معلومات هامة جداا عن طقم الدبرياج -اعراض تلف الديسك و الاسطوانة

كل ما تريد معرفته عن طقم الدبرياج:

الدبرياج هو أساس الفتيس المانيوال في أي عربية أياّ كان نوعها أو شكلها

- الدبرياج أو مجموعة الدبرياج بتتركب ما بين المكنة والفتيس والهدف من المكان ده إن المجموعة دي تفصل حركة المكنة عن الفتيس وأنت ماشي بالعربية يبقي إذاّ نفهم من كدة إن الدبرياج يعتبر هو أداة الفصل والوصل بين المكنة والفتيس ..

===================================

- الدبرياج بقي بيتكون من كام حاجة كدة أو اللي بنسميهم طقم الدبرياج تعالوا نعرفهم مع بعض بكل بساطة ..

1- ترس الفولام
2- الديسك
3- الأسطوانة
4- بلية الدبرياج

===================================

ترس الفولام ده بيبقي وشه مقابل للأسطوانة علي طول وترس الفولام ده بيبقي عبارة عن قرص معدنى كبير شوية وبيبقي متثبت على عمود الكرنك وترس الفولام ده بيعتبر جزء مهم جداّ ومتمم لطقم الدبرياج وبيكون وش الفولام سطحه ناعم جداّ وطبعاّ ترس الفولام بيفضل يدور طول ما المكنة شغالة لأنه مثثبت زي ما قولنا علي عمود الكرنك وعمود الكرنك طبعاّ هو أساس تشغيل المكنة.
==========
أما بقي الديسك بيتصنع من الحديد الزهر وبيكون سطحه ناعم برضو هو كمان ولكن بيبقي قوي جداّ وسمكه عريض أوي وميزته إنه بيقدر يفقد الحرارة بسرعة كبيرة جداّ وطبعاّ الحرارة دي بتنتج من الأحتكاك الرهيب مع وش الإسطوانة.
==========
نتكلم بقي عن الأسطوانة واللي لازم تكون عارفه إن الأسطوانة بتتركب ما بين الديسك وترس الفولام بحيث إيه اللي بيحصل بقي ؟!
==========
الديسك بيضغط علي الأسطوانة لقدام ويزقها نحية وش الفولام وبالتالى المجموعة كلها بتتربط مع بعض "الديسك مع الأسطوانة مع الفولام وده طبعاّ بيحصل بفضل القوة الرهيبة اللي بتعملها سوست الديسك بحيث إن الديسك بيضغط علي مجموعة شبه الصوابع كدة علي وش الديسك.
==========
والعملية دي أسمها عملية التعشيق أو الربط بين الـ 3 حاجات دول وعن طريق التعشيق ده بيتم نقل الحركة من المكنة للفتيس وزي ما قولنا بتبقي أداة الربط هى سوست الديسك.
==========
طبعاّ برضو لازم نكون عارفين إن الأسطوانه نفسها بيركب عليها مجموعة من السوست بيبقوا حوالي 4 تقريباّ وبيتركبوا قرب مركز الأسطوانة نفسها عشان يمتصوا الصدمات اللي بتنتج عن فصل و وصل الدبرياج.
==========
طب ليه بيقولوا لما تبقي واقف في إشارة مرور متفضلش دايس علي الدبرياج فترة طويلة ؟!

علي ما أظن أنتوا كدة فهمتوا وممكن أنتوا تجاوبوا بالعقل كدة بس برضو أنا هجاوب علي السؤال المهم جداّ ده ؟!

السبب إن زي ما قولنا إن وأنت دايس علي الدبرياج أنت من الأخر كدة زانق الأسطوانة ما بين الديسك وما بين الفولام اللي عمال بيلف مع دوران عمود الكرنك فا بالتالي طول ما أنت واقف ودايس علي الدبرياج الأسطوانة قاعدة بتتاكل ما بين الفولام والديسك وطبعاّ مرة في التانية في التالتة في الرابعة الأسطوانة باظت والسحب قل.
==========
بلية الدبرياج وفايدتها إنها بتعمل قوة مضادة لقوة التعشيق اللي بتعملها سوست الديسك فا بالتالي لما أنت حضرتك بتعشق تقوم البلية زي ما تقول كدة مستعدة للوقت اللي أنت هتسيب فيه الدبرياج تقوم مرة واحدة مرجعة الطقم كله وفصلاه عن بعضه يعني بتفصل الديسك عن الأسطوانة عن الفولام عشان كدة بعض الناس بتقول عليها بلية تحرير الدبرياج.

===================================

- أعراض تلف الأسطوانة :-

 العربية هتترجرج منك وأنت لسة بتطلع بيها علي الأول - عزمها هيبقي ضعيف جداّ علي المطالع وأحتمال متطلعش أصلاّ - لما خلاص الأسطوانة نقول إنها شطبت هتيجي تنقل لأي سرعة وتدوس بنزين هتلاقي صوت المكنة بقي عالي أوي أوي ومفيش سحب !!

==========
- أعراض تلف الديسك :- 

وأنت بتدوس علي الدبرياج عشان تنقل هتلاقي البدال بتاع الدبرياج تقيل جداّ جداّ - العربية هتترجرج منك برضو وأنت لسة بادئ تتحرك بيها - أشهر أعراض تلف الديسك إنك لما تيجي خلاص دوست علي الدبرياج وتحرك العصاية في أي إتجاه وخصوصاّ لو مارشدير هتسمع صوت تكسير أو كأن أتنين تحت العربية بيتخانقوا مع بعض وبيكسروا في بعض
==========
- أعراض تلف بلية الدبرياج :- صوت خشونة خارج من الفتيس وبيروح أول ما بتضغط علي الدبرياج

نصائح هامة جدا لصيانة سيارتك

اليك عزيزي السائق بعض المعلومات الهامه جداً لصيانه السيارة ....

1- قياس مستوى زيت المحرك :

  عند قياس مستوى منسوب زيت محرك السياره، يجب اولاً ان تكون السياره في مستوى افقي، وان يتم تشغيل المحرك حتى درجه حراره تشغيله العاديه، وبعد ذلك يوقف تشغيل المحرك بغلق مفتاح الكونتاكت والانتظار حوالي خمس دقائق، ثم يرفع مقياس الزيت من مكانه بالمحرك و ينظف جيداً بقطعه قماش لا تحتوي على وبر، ثم يوضع مكانه مره اخرى بالمحرك ويرفع ويلاحظ مستوى الزيت، ويجب ان يكون بين العلامتين بالمقاس ولا يكون اعلى من العلامه العلي او اقل من العلامه السفلي، ولا يجب قياس مستوى الزيت والمحرك في حاله دوران لان ذلك سيعطي بيان غير مضبوط لمنسوب الزيت بالمحرك.

2- ضغط هواء الاطارات :

  عند قياس ضغط هواء الاطارات يجب ان يكون العجل بارد، لان قياس الضغط بعد مشوار طويل بالسياره يعمل الاحتكاك بين اطار عجل السياره وبين الطريق على زياده سخونه الاطارات وبالتالي زياده سخونه الهواء بداخلها فيرتفع ضغطه، ويعطي بعد ذلك قراءه غير صحيحه لقيمه الضغط داخل الاطارات.

3- زيت (سائل) الفرامل :

  عدم تزويد زيت (سائل) الفرامل عند انخفاض منسوبه في علبه (خزنه) زيت الفرامل، لان انخفاض منسوب سائل الفرامل يدل على تاكل تيل الفرامل ويعطي الفرصه للمبه بيان الفرامل ان تضيء في التابلوه، اما عند تزويد سائل الفرامل فيتاكل التيل بدون اعطاء اي بيان للسائق حيث ان لمبه الفرامل لم تضيء. ويتم تزويد سائل الفرامل فقط عند تسربه او عند تغير اي من الاجزاء داخليه بالدوره. ويجب الحظر الشديد عند استخدام زيت الفرامل لان تاثيره شديد على دهان جسم السياره، وان حدث وانسكب على جسم السياره فيجب على الفور سكب كميه من الماء على موضع زيت الفرامل على جسم السياره.

4- كابل البطاريه :

  يجب عند تغير او اصلاح اي اجزاء كهربائيه بالسياره ان يبدا بنزع كابل (قطاش) البطاريه السالب من مكانه تجنباً لعدم حدوث قصر كهربائي بالدوائر الكهربائيه بالسياره، وكذلك عند تغير البطاريه فيجب اولاً نزع الكابل (القطاش) السالب ثم نزع الكابل (القطاش) الموج .. وقبل نزع اي من كابل البطاريه يجب التاكد اولاً من ان مفتاح الاشعال (الكونتاكت) في وضع الغلق، وان جميع مفاتيح الانوار مغلقه، حتى لا يحدث تلف الاجزاء النصف موصلهsemiconductor بالدوائر الالكترونيه بالسياره.

5- ارتفاع درجه حراره المحرك :

  عند ارتفاع درجه حراره المحرك فجاه، يجب على الفور اتخاذ الحاره اليمنى من الطريق والتوقف بالسياره في مكان امن من جانب الطريق، وعلى الفور يتم غلق مفتاح الاشعال (الكونتاكت) لايقاف تشغيل المحرك عن الدوران، بعد ذلك يفتح غطاء المحرك (الكابوت) بحذر ويلاحظ الاتي :

  وجود اي تسرب للمياه بدوره التبريد والعمل على منعها او اصلاح وتغير ما يلزم، التاكد من سلامه تشغيل مروحه التبريد، وبعد ان يبرد المحرك يمكن فتح غطاء الردياتير والتاكد من وجود مياه بداخله، كذلك التاكد من سلامه قربه مياه الردياتير وان يكون بداخلها مياه حتى المستوى المطلوب، التاكد من سلامه غطاء الردياتير،التاكد من سلامه الردياتير نفسه وعدم وجود اي شيء يحجب الهواء عنه.

6- السير على الطريق :

  تجنب السير على الطريق خلف شاحنات محمله بـ (رمال او طوب او زلط او براميل او اي اطوال مثل اسياخ الحديد او الخشب الخ ) حيث ان كل ذلك معرض للسقوط في اي لحظه فجاه امامك على الطريق فيؤدي الى حوادث لا تُحمد عقباها. او على الاقل ممكن ان يتطاير الرمل على الزجاج الامامي للسياره فتحدث به خدوش او نًقر فتتلف الزجاج، او يتساقط الطوب على الارض فيتلف كرتيره زيت المحرك.

7- تغير شمعات الاشعال (البوجيهات) :

  يراعى قبل تغير شمعات الاشعال (البوجيهات) للسياره ان ينفخ حولها جيداُ بهواء مضغوط لتنظيف الاتربه التي قد تكون متراكمه حولها، وبعد نزعها من مكانها يجب تدوير المحرك عده لفات بالمارش حتى يستطيع كبس المحرك من تنظيف الاتربه حول قلاووظ الشمعه الموجود بوش السلندر ويطردها للخارج، وبذلك يمنع دخول الاتربه الى داخل اسطوانات المحرك ويطول ذلك من عمر المحرك، وعندئذ تستطيع تركيب البوجيهات الجديده بعد التاكد من ضبط خلوص الثغره بالمقاس الموصى به.

8- تزويد مياه الردياتير :

  عند الكشف على مياه الردياتير لا تفتح غطاء الردياتير و المحرك ساخن حتى لا يندفع ضغط المياه الساخنه اليك فيصيبك بحروق. ويفضل تزويد مياه الردياتير من خلال قربه الردياتير حتى مستوى العلامه العليا بها، ولاحظ ان منسوب المياه في قربه الردياتير يزداد وينقص تلقائياُ تبعاُ لحاله المحرك، فهي تزيد و المحرك ساخن و تنقص عند بروده المحرك، بسبب زياده الضغط و الخلخله التي تحدث بالردياتير اثناء السخونه و البروده. وعند ملء الردياتير من خلال فتحه عنقه وهو ساخن ينتظر حتى يبرد قليلاُ ويفتح الغطاء ببطء، ثم يشغل المحرك اثناء تزويد المياه حتى تختلط المياه البارده الجديده مع المياه الساخنه حول الاسطوانات فلا يؤدي ضرر (انحناء) في (وش السلندر).

9- تحديد صوت الفرامل :

  عند سماع صوت صفاره عند الضغط على بدال الفرامل، ولا تستطيع تحديد مصدر الصوت، هل هو من الفرامل الاماميه؟ ام الخلفيه؟ قم بقياده السياره على سرعه متوسطه، ثم اجعل صندوق التروس في وضع الحياد، وارفع فرمله اليد تدريجياً اثناء القياده، فاذا صدر الصوت فهو من الفرامل الخلفيه وان لم يصدر فهو من الفرامل الاماميه.

10- الكهرباء الاستاتيكيه :

  ربما تشعر بصدمه كهربائيه خفيفه عند خروجك من باب السياره وملامسه يدك لجسم السياره خاصه بعد فتره قياده طويله، فلا تنزعج لان هذه ظاهره طبيعيه تعرف بالكهرباء الاستاتيكيه و قد تحدث تحت ظروف معينه وخاصه ان كان الجو الخارجي جاف، ولا يمكن منعها ولكن يمكن تقليلها بارتداء ملابس قطنيه و البعد عن الملابس المصنعه من الالياف الصناعيه ويراعى ذلك في كرسي القياده ايضاُ، وعند مغادرتك لكرسي القياده لا تغادره فجاه ولكن ببطء، وقبل النهوض من الكرسي حاول ان تمسك بيدك اي جزء معدني من جسم السياره لتفريغ شحنتك الاستاتيكيه من خلاله .

11- محطات البنزين :

  بعض محطات البنزين لا تراعي الدقه الشديده في تصفيه خزانات البنزين بها من الماء، فعند التعجيل بالسياره و سماعك لصوت (سكه) وهو ما يشبه ان ضبط الكهرباء في دائره الاشعال بالمحرك غير مضبوطه ( وجود كهرباء زياده)، وخاصه ان كان محرك سيارتك يعمل بالحقن الاليكتروني وهو لا يحتاج الى ضبط الاشعال لان ضبط الاشعال يتم اليكترونيا، فهذا دليل على انك قد ملئت تنك بنزين سيارتك من احدى هذه المحطات فلا تتعامل معها مره اخرى.

12- اضاءه لمبه البطاريه بالتابلوه :

  عند اضاءه لمبه البطاريه بالتابلوه مع فتح الكونتاكت وتظل مضاءه حتى بعد تشغيل المحرك، فهذا يعني وجود خلل في دائره الشحن، اما ان تكون البطاريه لا تستقبل الشحن لوجود عيب داخلي بها، او ان منظم الشحن به عيب، او ان الدينامو لا يعطي الفولت المطلوب لشحن البطاريه بسبب عيب داخلي به، او ان سير الدينامو مرتخي وغير مشدود او مقطوع، في هذه الحاله يجب التوقف بالسياره و البحث عن سبب العيب، او ايداع السياره لاقرب كهربائي سيارات.

13- فتره التليين الاولى للمحرك اثناء تشغيل المحرك :

  خلال فتره التليين (للمحرك الجديد او الذي تم عمل عمره عموميه له خلال الفتره الاولى للتشغيل (الـ 1000كم) الاولى ينصح بالاتي: عدم زياده دوران المحرك على سرعات عاليه، وتجنب بدء التشغيل السريع للمحرك، وعدم القياده بسرعه عاليه لمده طويله، ويجب عدم تحميل السياره باحمال كبيره، وعدم قطر اي مقطوره في هذه الفتره.

14- لون زيت محرك السياره :

  بعض سائقي السيارات يفرح ويتباهى امام زملائه السائقين ان زيت محرك سيارته مازال لونه لم يتغير بعد وضعه في محركه وتشغيل السياره عده كيلو مترات، والحقيقه ان من وظائف زيت التزييت في المحركات هو تنظيف المحرك من نواتج احتكاك الاجزاء المتحركه داخله، لهذا فلابد وان يتغير لونه دليل على انه يقوم بوظيفته كما ينبغي، اما ان لم يتغير لونه بعد عده كيلو مترات فهذا دليل على ان الزيت المستخدم لم يقوم بوظيفته وترك الرواسب بداخل المحرك.

15- لون عادم محرك السياره :

  في ظروف التشغيل العاديه المفروض ان غازات العادم تخرج من الشكمان بدون لون، ولكن هناك ثلاثه انواع من غازات العادم تخرج من شكمان السياره في حالات معينه كل منها له لون مختلف عن الاخر، ومن خلاله يمكن تشخيص حاله المحرك: اذا كان لون العادم ابيض مستمر مع حالات التشغيل العاديه وفي جميع الظروف، فهذا دليل على ان هناك تسرب لمياه التبريد الى غرفه الاحتراق وتخترق معه، واذا كان لون العادم رمادي فاتح يميل الى السواد فهذا دليل على احتراق كميه كبيره من الوقود في غرفه الاحتراق مما يدل على احتياج الكربراتير للضبط (ضبط الوقود مع الهواء)، واذا كان لون العادم ازرق سماوي فذلك دليل على ان هناك احتراق لزيت التزييت في غرفه الاحتراق، وهو دل على احتياج المحرك للاصلاح.

16- رفع مستوى السياره على الارض :

  ان كنت تشتكي من انخفاض مستوى السياره على الارض،مع التاكد من سلامه المساعدين والسوست فاتجه فوراً الى احدى المراكز المتخصصه المعتمده واسال عن امكانيه رفع مستوى السياره عن الارض، ولا تاخذ بنصيحه احد بوضع عليَّات على السوست من اسفل ومن اعلى، لانها فعلاً سترفع من مستوى السياره عن الارض ولكنها ستؤدي الى تلف المساعدين، وتسبب خشونه في العفشه اثناء السير.

17- شم رائحه بنزين اثناء السير بالسياره :

  عند وجود شكوى متكرره من شم رائحه بنزين " نيئ " اثناء السير بالسياره. يجب التاكد اولاً من عدم وجود تسريب للبنزين من دوره الوقود، ثم التاكد من الضبط الصحيح للمحرك وخاصه على السرعات العاليه، ثم عدم وجود تنفيس للعادم من الشكمان، ثم التاكد من الاحكام الجيد لهوايات الداخليه للشنطه الخلفيه للسياره، ثم اخيراُ التاكد من الاحكام الجيد عند غلق غطاء الشنطه الخلفيه للسياره بحيث انها لا تسرب عادم السياره الى داخلها.

18- شم رائحه كريهه اثناء السير بالسياره :

  عند شم رائحه كريهه خاصه اثناء السير بالسياره، او عند دوران محرك السياره، ارفع السياره على كوريك رفع وانظر اسفل السياره على طول ماسوره الشكمان فعاده يكون السبب هو التصاق جزء من كيس بلاستك على ماسوره الشكمان ذات درجه الحراره المرتفعه فيحترق على الماسوره ويذوب عليها وينشف مع بروده الماسوره وعدم دوران المحرك، ويحترق مره اخرى مع دوران المحرك وسخونه ماسوره الشكمان وهكذا. فانزع هذا الجزء و فنظف مكانها جيداً.

19- الكشف عن حاله البطاريه :

  لا يجب الكشف عن حاله البطاريه بتوصيل طرفي قطبيها بكابل او مفك، لان ذ لك يؤدي الى مرور تيار ذي امبير عالي يتلف اجزاء البطاريه الداخليه، ويفتت الماده الفعاله بها من على الالواح.

20- توصيل بطاريه سيارتك ببطاريه خارجيه :

  اذا دعت الضروره لتنشيط بطاريه سيارتك باعطائها شحنه مبدئيه عن طريق بطاريه خارجيه من سياره اخرى بواسطه كبل توصيل فيراعى عند ذلك ان يوصل طرف احد الكابلات بالطرف الموجب لبطاريه سيارتك (البطاريه ضعيفه الشحن) اولاً ثم يوصل طرفه الاخر بالقطب الموجب للبطاريه الخارجيه، ثم يوصل احد طرفي الكابل الاخر بالقطب السالب للبطاريه الخارجيه، وطرفه الاخر بمحرك سيارتك، وهذا الترتيب مهم جداً لعدم تلف الوحدات الاليكترونيه بالسياره

21- كيفيه استخدام المارش في تشغيل السياره :

  لا يجوز الاصرار على بدء اداره محرك السياره، عندما لا يقوى بادئ الحركه (المارش) على ذلك يؤدي الى سرعه استهلاك البطاريه بدون فائده. ولكن قم بتشغيل المارش على فترات متقطعه بحيث لا تزيد فتره تشغيل المارش عن ( 10 ثواني) ثم الانتظار (30 ثانيه) بين كل فتره والتي تليها حتى يبدا المارش في تشغيل محرك السياره.

22- التلاعب في التوصيلات الكهربائيه للسياره:في السيارات التي تحتوي على دوائر اليكترونيه، يراعي الحذر عند التلاعب في الدوائر الكهربائيه به مثل (تركيب كاسيت، او تركيب جهاز انذار، او تغير البطاريه او... الخ ) لان اي خطا في التوصيلات الكهربائيه سيؤدي الى تلف الوحدات الاليكترونيه وسي كلف الكثير, لذا ينصح بعمل اي اصلاحات او تركيبات داخل مراكز الخدمه المعتمده.

23- الكيس الهوائي بالسياره :

  في السيارات التي تحتوي على كيس هوائي (air bag) عند اضاءه لمبه التحذير (SRS) بالتابلوه فهذا عني وجود خلل او تم التلاعب في التوصيلات الكهربائيه للسياره، فيجب على الفور التوجه لاقرب مركز خدمه معتمد لحل هذه المشكله، لان اي تلاعب من اي شخص غير مدرك لنظريه تشغيل الحساسات الاليكترونيه يؤدي الى انتفاخ الكيس الهوائي بطريقه فجائيه فيصيب اقرب شخص بالقرب منه.

24- تشغيل مساحات الزجاج :

  لا تشغل مساحات الزجاج الامامي او الخلفي(البرابريز) بدون ان يكون هناك مياه بخزان (قربه) المياه الخاصه بهم، لان ذلك ممكن ان يسبب خدوش بسطح الزجاج فيؤدي الى عدم وضوح الرؤيه، بالاضافه الى تلف الزجاج.

25- ارتفــاع درجه حراره المحـرك :

  عند ارتفاع درجه حراره محرك السياره، اثناء قيادتك لها اتخذ الجانب الايمن للطريق، واختار مكان امن واوقف السياره، ثم اوقف دوران المحرك على الفور، ولا تتسرع وترفع غطاء المحرك (الكابوت)، او تنزع غطاء الردياتير من مكانه، لان ارتفاع درجه حراره المحرك يعني غليان الماء بدوره التبريد، وارتفاع الضغط ايضا مما يتسبب عنه اندفاع الماء من اي منفذ من الدوره بشده، مما يصاب اي شخص بجوار السياره من الامام بحروق شديدة .

نصائح هامة جدا لصيانة سيارتك

اهم اسباب زيادة استهلاك البنزين

ايه هي اهم اسباب زيادة  استهلاك البنزين  ؟!! 

اول حاجه كده من اسباب استهلاك البنزين اللى محدش بياخد باله منها

١- فلتر الهواء
ودا لو مكتوم سحب العربيه هيقل وكذلك هتستهلك بنزين عشان هتسحب بنزين تعوض بيه كمية الهواء اللى ناقصه فى الخليط ...

٢- الرشاشات
وممكن يكون فى رشاش من الرشاشات تعبان وبيسيل بنزين زيادة ....

٣ -البوجيهات 
ودا لو البوجيهات تعبانة ومش بتدى كفاءة فى اتمام الحريق
هتلاقى الحريق مش حلو وهتضطر تدوس بنزين عشان تعوض القدرة وتقدر العربيه تتحرك ....

٤- طقم الديسك والاسطوانة
وهنا الاسطوانة لو خلصانة وفى جزء كبير من عزم الموتور بيروح فى داهيه ومش بيروح للفتيس هضطر حضرتك تدوس بنزين عشان العربيه تتحرك ....

٥ - حساس ماب
وهنا الحساس بيكون تعبان ومش قادر يحدد كمية التخلخل اللى بتحصل فى المانفول وبيبعت اشارة غلط للكمبيوتر ويقوم الكمبيوتر على اساسا مخلى الرشاشات تضخ بنزين زيادة ......

٦- حساس ماڤ
ودا الحساس اللى بيبقى راكب فى الكوع مابين علبة فلتر الهواء والبوابة ودا بردوا بيحسب كمية الهواء اللى الموتور بيسحبها ويبعت اشارة للكنترول يعرفه ويقوم الكنترول محدد مقدار البنزين اللى هترشه الرشاشات
ف الحساس دا لو بايظ يبقى كده الاشاره اللى راحه منه غلط .....

٧- حساس الشكمان (الاكسجين)
ودا الجوكر بصراحه
لان دا بيركب على الفرن بتاع العربيه ووظيفته تحديد كمية الاكسجين فى العادم اللى ناتج عن احتراق الخليط ويقول للكمبيوتر نسبة الاكسجين اد ايه وبناءا عليه الكمبيوتر يحدد هل الخليط غنى ولا فقير والحساس دا لو بايظ
الاشاره بردوا اللى راحه للكمبيوتر هتبقى غلط ودا
هيسبب مشكله للكمبيوتر وهى انه مش هيقدر يحسب النسبه المظبوطه للخليط فهيخلى الرشاشات ترمى بنزين زيادة

٨- البوابة
ممكن تكون البوابه سبب لاستهلاك البنزين لو الجوان بتاعها بيسحب هوا هيعمل كده  وخصوصا لو البوابه   الكترونى ودا لانها مش بتحسب النسبه بالظبط .....

٩- حساس tps
ودا بيستخدم لحساب مقدار  فتحة البوابة الفعليه ويبعتها للكمبيوتر على هيئة اشارة
فلو دا بايظ هيسبب استهلاك بنزين لان ممكن تكون البوابه مقفوله ويبعت اشاره للكمبيوتر الكمبيوتر يفهم انها فاتحه نص فاتحه .....

١٠ - حساس الايدل
الحساس مسئول انه يعلى العربيه وقت التسخين يعنى يخلى الار بى ام مثلا على ١٢٠٠ لمده دقيقه لحد لما العربيه تسخن ومسئول بردوا انه يعليها مع الاحمال زى التكييف وحركة الدركسيون وانك تدى غيار فى الفتيس الاوتو
ودا لو باظ ممكن يخلى العربيه عاليه نسبيا ودا يسبب استهلاك بنزين .....

١١- الجوان بتاع المانفول
دا لو مقطوع او بيسحب هواء هيسبب لكم بردوا تستهلاك بنزين .....

١٢ - عمر الزيت
ودا الزيت اللى عندك نوعيته وحشه او عمره منتهى هيسببلك اكل بنزين

مش مقتنع صح ....
طب تعالى اثبتهالك بمثال بسيط وهى ان دلوقتى لو الزيت وحش هيبقى عندك قوى الاحتكاك اللى جوا الموتور عالية
واصبحت دلوقتى القوة اللى خارجه من الموتور مش زى الاول بسبب تاثير قوى الاحتكاك عليها ....
وبمثال بسيط لو انت الزيت بتاعك وحش جرب تجيب ١٦٠ وشوف الRPM هيبقى مثلا على ٣.٥ 
تعالى بقى كده حط زيت كويس ومضمون هتلاقى الRPM بقى مثلا 2.5
طب مش اللفات الزيادة دى معناه استهلاك بنزين وبردوا

اهم اسباب زيادة استهلاك البنزين

شرح مكونات العفشة - وظيفة كل جزء

(((  العفشه ))) بتقسم لأربع اقسام رئيسيه

هى كل جزء فى السياره مسئول عن

(( 1  حمل وزن السياره ))  

و 

(( 2 تحريك السياره ))

و 

(( 3 توجيه حركتها ))

و 

(( 4 ايقافها ))

دا كان التعريف الجامع للعفشه

ودلوقتى هنشرح كل جزء بالتفصيل:

1 ((  حمل وزن السياره  ))

أجزاء العفشه المسئوله عن حمل وزن السياره هى

1 ( المساعدين )

والمساعد يتكون من ( ياى او سوستة المساعد وقلب المساعد والبطاحه)

2 ( الجنوط )

والجنوط بتكون حديد او جنوط اسبور مصنوعه من سبايك من مواد صلبه وخفيفه

3 ( الشمعدان )

وهو الجزء الواصل ما بين المساعد ووجه العجلات

4 ( القنطره )

ودى فى بعض السيارات بتكون شايله ومجمعه اجزاء العفشه الأماميه مع بعض

5 ( شدادات الشاسيه )

ودى بتبقى نوعين على حسب مكان تواجدها

علويه وسفليه

موجوده استاندرد فى بعض السيارات ذات الأداء الرياضى

وطبعا متاحه كتعديل لباقى السيارات ولها شركات تعديل خاصه لأنتاجها

وظيفتها تقوية أداء الشاسيه وزيادة اتزان السياره وتقوية العفشه

2  ((  تحريك السياره  ))

اجزاء العفشه المسئوله عن تحريك السياره هى

1 ( الفتيس )

وهو قلب الحركه والمسئول عن تحويل طاقة الموتور الى حركه وسرعه على العجلات

وينقسم الى نوعين:

1 فتيس مانيوال

وهو ابسط فى الصيانه واسهل فى التعامل واوفرفى الأستهلاك واطول فى العمر 

ولكن

يحتاج مجهود عضلى اكبر

ويتكون الفتيس المانيوال من قلب الفتيس الذى يحتوى على مجموعة التروس والنقلات

و

الأسطوانه والديسك والفرش وبلية الدبرياج وهى المجموعه المسئوله عن وصل وفصل الحركه مابين الفتيس والموتور ( ترس الفولام )

2 فتيس اوتوماتيك

وهو اصعب فى صيانته واعقد فى التعامل معه واكثر استهلاكا للبنزين واقصر فى العمر الأفتراضى

ولكن اوفر فى المجهود العضلى

ويوجد منه انواع كثيره جدا ( اوتو عادى و CVT و DSG و استبترونك و ايزى ترونك و مالتى ترونك )

ويتكون الفتيس الأوتو من قلب الفتيس ويحتوى على تروس النقلات و التورك كونفرتر والفالف بودى والسنولوليد والفلتر وعقل الفتيس وقربة زيت الفتيس

2 ( الكبالن ( فى سيارات الجر الأمامى ))

وهى الجزء المسئول عن نقل الحركه من الفتيس الى العجلات الأماميه وهى تتكون من رأسى كوبلن داخلى وخارجى متحركين فى كل المحاور وزراع كوبلن يتحرك دائريا فقط

3 ( الدفرنسيل وعمود الكردان ( فى سيارات الدفع الخلفى ))

وهم الجزئين المسئولين عن نقل الحركه من الفتيس الى العجلات الخلفيه

4 ( وجه العجلات )

وفيهم بلى العجلات وهم الجزء الذى يربط عليه طنابير الفرامل وعجلات السياره

3  (( توجيه اسياره  ))

والأجزاء المسئوله عن توجيه السياره من العفشه هى

1 ( الدركسيون )

2 ( صليبة الدركسيون ) 

( وظيفتها نقل الحركه من الدركسيون الى الأسكترا )

3 ( الأسكترا ) 

( وتكون غالبا مربوطه فى صدر العربيه وهى مسئوله عن تحريك السياره الى اليمين واليسار )

ومنها نوعين:

1 ( اسكترا عاده ) 

وهذا النوع بيكون ثقيل الحركه ويحتاج مجهود عضلى من قائد السياره

2 ( اسكترا باور ) 

ودى بتنقسم لنوعين

1 ( باور زيت ) ودى بتستمد قوتها من طرمبة باور تعمل على ضغط الزيت وبتكون متصله بالموتور

2 ( باور كهرباء ) ودى بتستمد قوتها من موتور كهربائى متصل بالأسكترا نفسها

والأسكترا فى الغالب بتتكون من جسم الأسكترا و2 تيش و2 بيض تيش او بيض طرف

4 ( المقصات )

ودى المسئوله عن توجيه حركة السياره نزولا وصعودا 

وبتتكون فى اغلب السيارات من جسم المقص وجلبتين وبيضة مقص

4  (( ايقاف السياره ))

منظومة الفرامل فى العفشه هى المسئوله عن ايقاف السياره

وبالرغم من اختلاف قدرتها واشكالها الا انها بتتكون فى الغالب من

1 ( بدالة الفرامل )

2 ( السيرفو ) 

وده الجزء الأسود المدور اللى شبه الطبله اللى دايما بيكون مربوط فى صدر العربيه من جوه الغرفه

وظيفتها مضاعفة قوة ضغط رجلك على بدالة الفرامل

بتستمد قوتها عن طريق خرطوم مذود بصمام متصل ب فاكيوم مجمع السحب ( المانيفولد )

3 ( الماستر العمومى ) 

وده المسئول عن ضغط زيت الباكم للمساتر الفرعيه لتحقيق الفرمله

وبيكون ملتصق بالسيرفو مباشرة

4 ( قربة زيت الباكم ) 

ودى بتبقى راكبه فوق الماستر العلوى 

وهى تعتبر خزان زيت الباكم او زيت الفرامل

5 ( خراطيم الباكم ) 

ودى بتوصل زيت الباكم ما بين الماستر العمومى والمساتر الفرعيه عند العجلات

6 ( المساتر الفرعيه ) 

ودى بتبقى راكبه على الأربع اجناب بتوع العجل ووظيفتها ضغط تيل الفرامل على ديسكات الفرامل عن طريق القوه الآتيه اليها من الماستر العمومى عبر خراطيم الباكم

7 ( جشم الفرامل او الكاليبرات ) 

ودى تعتبر الجسم الحاضن للتيل وبتتكون من جزئين معدن ثابت ومتحرك والبستم الفرعى او بستم فرامل العجل

8  ( الطنابير او الديسكات ) 

ودى بتكون متصله مباشرة بالأكس المتحرك للعجل

9 ( تيل الفرامل )

وده عباره عن نهاية مطاف منظومة الفرمله حيث انه الأداه اللتى تضغط على الطنابير لتحقيق التوقف الكامل للسياره ككل

10 ( اجهزة ABS , EBD , BA , ASR , TCS ) 

وهى عباره عن انظمه الكترونيه مساعده لمنظومة الفرامل لتحقيق اكبر قوه فرمليه آمنه

شرح مكونات العفشة - وظيفة كل جزء

كل ما يهمك عن القيادة الاتوماتيك

الموضوع التالي يتناول بالشرح كل ما تود معرفته عن القيادة الاتوماتيك
---------------
الـ P يعنى Park دة اللى بتوقف العربية
الـ R يعنى Reverse دى اللى بيخلى العربية ترجع للخلف مارشدير يعنى
الـ N يعنى Neutral وضع التمووير ... الموور يعنى
الـ D يعنى Drive  وضع السواقة او القيادة
--------------------
1 - لازم تبقى عارف أن العربية فى الاوتو مش هتدور
على الـ D ولا هتدور على الـ R لانة بـ اختصار ال D و ال R بيفصلو كهربا عن المارش تماما و مش هيخلى العربية تدور نهائى
--------------------

2 - و أنت واقف فى أشارة هات الـ N اللى هو المور عشان تريح تروس الفتيس و متلفش على الفاضى و تبقى العربية عايزة تطلع و انت ماسكها فرامل
--------------------

3 - و أنت بتجيب الـ D أو الـ R خلى رجلك على الفرامل لانك لو جبت حاجة منغير فرامل هتلاقى العربية مشيت منغير ما تدوس بنزين لان التروس اتحركت و حركت العربية معاها ...
--------------------

4 - مينفعش تنقل من نقلة لـ نقلة و العربية ماشية حتى لو ماشية على سرعة 5 كم يعنى مينفعش مثلا و انت بتطلع من ركنة و جايب ال D و العربية لسة براحة اوى اهى و بتطلع من الركنة تروح جايب ال R عشان تعدل نفسك و تطلع
لا انت كدة بدمر تروس الفتيس مع الوقت لازم العربية تقف
و تروح جاى ناقل من الـ D و الـ R و العكس
--------------------

5 - نصيحة ياريت الكل يعمل بيها لو عايز تحافظ على فتيس عربيتك
و انت بتركن او بتقف بالعربية
متروحش جايب ال P مرة واحدة و متشدش الهاند
او تجيب ال P و تشد الهاند بعدها

الوقفة الصح بالفتيس الاوتو هو انك خلاص هتبطل اهو و تنزل من العربية ركز بقى معايا

تروح دايس فرامل و تجيب الـ N و ترفع الهاند و بعد كدة تجيب ال P
3خطوات ... من الشمال لليمينN > Handa Break > P

انت بكدة حملت على الهاند بريك و اللى وظيفتها توقف العربية
لاكن لما بتجيب ال P و بعد كدة الهاند انت كدة حملت العربية كلها بالمكنة بكلة على ترس الفتيس و مع الوقت بيتاكل و يتكسر و ترجع تقول لية انا كنت محافظ على العربية

--------------------

6 - نيجى بقى للـ الاوضاع التانية و هى الـ L و الـ 2 و الـ 3
الـ L هو الغيار الاولانى و دة الناس بتستخدمة فى المطالع الجامدة لانة بيدى عزم شديد على سرعة قليلة بس خد بالك مينفعش تكون ماشى 60 ولا 80 و تروح جايب الـ L هتكسر الفتيس كدة اخرك 30 بالكتير تجيب الـ L عليها

الـ 2 و دة الغيار التانى و الاول مع بعض بيسمح للعربية تننقل بينهم
الـ 3 و دة الغيار الاول و التانى و التالت فقط مش بتنقل للرابع
ممكن عادى و انت ماشى على الـ L او ال 2 او ال 3 تجيب ال D مرة واحدة عادى لانة دة شغال على جميع النقلات ف اى وقت عادى

معلومات تهمك عن الفيتيس المانيوال و مكوناته - اعراض تلفها

 
الناقلات اليدوية :

فى الغالب تعطى لك استخدام افضل فى الوقودلمسافة اكبرتحتوى السيارات ذاتالناقل اليدوى على محركات اصغر و لكنها تعطى قوة اكبرفاذا كنت تريد شراء SUV أو شاحنة اكبر فبالطبع يكون الناقل اليدوى هو الاختيارالذى تبدا بهكما انشراء الناقل اليدوى قد يوفر لك في سعر المركبة.
على الرغم من ذلك فالناقلات اليدوية تبلى سريعا نظرا للاحتكاك المتولد خاصة فى المدن الضيقةاو المزدحمة...و لكنها تكون رائعة فى الطرق الطويلة و السريعة.
ميزة أخرى للنقل الحركة اليدوي هو انه اذا كنت تعرف كيفية العمل على السيارات ،قد تكون قادرا على القيام ببعض الإصلاحات الصغيرة نفسك. لأنها أسهل من العمل على نقل الحركةالناقلات الآلية ، وغالبا ما تكون أرخص. 

فكرة عمل الفتيس:

يحتوى الفتيس غالبا على 5 سرعات (غيارات) امامية + سرعة خلفية (الريفيرس) ..
ممكن تكون 4 نقلات اماميه فى بعض السيارات القديمة .. وممكن 6 نقلات نادرا فى السيارات الحديثة

مميزات الفتيس المانيوال

جباره فى السحب
وتكاليف التصليج مناسبة
اقل فى استهلاك البنزين
واسرع فى التسارع والسرعه القصوى
وزنه اخف على المركبة
وتكاليف تشغيله اقل من الاتوماتيك
ممتع فى السواقه فى شوارع فاضيه
بتتحكم فى سرعه المركبة افضل من الاوتوماتيك
عيوب الفتيس المانيوال

متعبه فى الطرق المزدحمه

يتكون ناقل الحركة الماينوال من جزئين اساسيين:

1- الفييتيس 2- طقم الدبرياج

 الدبرياج هو أساس الفتيس المانيوال في أي عربية ويعتبر الدبرياج أو طقم الدبرياج واللي هنتعرف عليه كمان شوية من أهم المكونات اللى بتتحكم فى أداء العربية وخصوصاّ في عملية نقل الحركة من الموتورللفتيس وطبعا هى دى خطوات التعامل معاه

1- بتدوس علي الدبرياج

2- بتحرك العصاية للسرعة المطلوبة

3- بتسيب العصاية وفي نفس الوقت بتسيب الدبرياج

الدبرياج أو مجموعة الدبرياج

بتتركب ما بين الموتوروالفتيس والهدف من المكان ده إن المجموعة دي تفصل حركة الموتورعن الفتيس وأنت ماشي بالعربية يبقي إذاّ نفهم من كدة إن الدبرياج يعتبر هو أداة الفصل والوصل بين المكنة والفتيس

مكوناته...

1- ترس الفولام

2- الديسك

3- الأسطوانة

4- بلية الدبرياج

ترس الفولام

ده بيبقي وشه مقابل للأسطوانة علي طول وترس الفولام ده بيبقي عبارة عن قرص معدنى كبير شوية وبيبقي متثبت على عمود الكرنك وترس الفولام ده بيعتبر جزء مهم جداّ ومتمم لطقم الدبرياج وبيكون وش الفولام سطحه ناعم جداّ وطبعاّ ترس الفولام بيفضل يدور طول ما المكنة شغالة لأنه مثثبت زي ما قولنا علي عمود الكرنك وعمود الكرنك طبعاّ هو أساس تشغيل الموتور.

==========

الديسك

بيتصنع من الحديد الزهر وبيكون سطحه ناعم برضو هو كمان ولكن بيبقي قوي جداّ وسمكه عريض أوي وميزته إنه بيقدر يفقد الحرارة بسرعة كبيرة جداّ وطبعاّ الحرارة دي بتنتج من الأحتكاك الرهيب مع وش الإسطوانة.

==========

الأسطوانة

واللي لازم تكون عارفه إن الأسطوانة بتتركب ما بين الديسك وترس الفولام بحيث ان الديسك بيضغط علي الأسطوانة لقدام ويزقها ناحية وش الفولام وبالتالى المجموعة كلها بتتربط مع بعض "الديسك مع الأسطوانة مع الفولام وده طبعاّ بيحصل بفضل القوة الرهيبة اللي بتعملها سوست الديسك بحيث إن الديسك بيضغط علي مجموعة شبه الصوابع كدة علي وش الديسك والعملية دي أسمها عملية التعشيق أو الربط بين الـ 3 حاجات دول وعن طريق التعشيق ده بيتم نقل الحركة من الموتورللفتيس وزي ما قولنا بتبقي أداة الربط هى سوست الديسك.

طبعاّ برضو لازم نكون عارفين إن الأسطوانه نفسها بيركب عليها مجموعة من السوست بيبقوا حوالي 4 تقريباّ وبيتركبوا قرب مركز الأسطوانة نفسها عشان يمتصوا الصدمات اللي بتنتج عن فصل و وصل الدبرياج.

طب ليه بيقولوا لما تبقي واقف في إشارة مرور متفضلش دايس علي الدبرياج فترة طويلة ؟

السبب إن زي ما قولنا إن وأنت دايس علي الدبرياج أنت من الأخر كدة زانق الأسطوانة ما بين الديسك وما بين الفولام اللي عمال بيلف مع دوران عمود الكرنك فا بالتالي طول ما أنت واقف ودايس علي الدبرياج الأسطوانة قاعدة بتتاكل ما بين الفولام والديسك وطبعاّ مرة في التانية في التالتة في الرابعة الأسطوانة باظت والسحب قل.

بلية الدبرياج

فايدتها إنها بتعمل قوة مضادة لقوة التعشيق اللي بتعملها سوست الديسك فبالتالي لما أنت حضرتك بتعشق تقوم البلية زي ما تقول كدة مستعدة للوقت اللي أنت هتسيب فيه الدبرياج تقوم مرة واحدة مرجعة الطقم كله وفصلاه عن بعضه يعني بتفصل الديسك عن الأسطوانة عن الفولام عشان كدة بعض الناس بتقول عليها بلية تحرير الدبرياج.

أعراض تلف الأسطوانة :-

العربية هتترجرج منك وأنت لسة بتطلع بيها علي الأول

عزمها هيبقي ضعيف جداّ علي المطالع وأحتمال متطلعش أصلاّ

لما خلاص الأسطوانة نقول إنها شطبت هتيجي تنقل لأي سرعة وتدوس بنزين هتلاقي صوت المكنة بقي عالي أوي أوي ومفيش سحب

أعراض تلف الديسك :-

وأنت بتدوس علي الدبرياج عشان تنقل هتلاقي البدال بتاع الدبرياج تقيل جداّ جداّ

العربية هتترجرج منك برضو وأنت لسة بادئ تتحرك بيها

أشهر أعراض تلف الديسك إنك لما تيجي خلاص دوست علي الدبرياج وتحرك العصاية في أي إتجاه وخصوصاّ لو مارشدير هتسمع صوت تكسير أو كأن أتنين تحت العربية بيتخانقوا مع بعض وبيكسروا في بعض

أعراض تلف بلية الدبرياج :-

صوت خشونة خارج من الفتيس وبيظهر وانت دايس على الدبرياج ويروح لما تسيب رجلك

وطبعا فيه حاجه اسمها بلية الدريك اللى بتكون متركبه على اول طلوع عمود الكرنك من الفتيس ودى عكس بلية الدبرياج انك بتسمع صوت خشونه بيروح لما تدوس على الدبرياج يعنى لما تفصل الفتيس عن المجموعه